1.Нарны цэнэг хураагууртай гар утасны дэлгэц
Гар утасны батерей дуусах асуудлыг мартуулах гайхалтай бүтээлийг Киосера компани анх удаа 2015 оны Барселоний “Гар утасны ертөнц” олон улсын хурал, зөвөлгөөний үеэр танилцуулсан байна. Ухаалаг утсанд нэмэлтээр суурилуулах маш нимгэн 0,5мм дэлгэц нь нарнаас шууд утсыг цэнэлгэх юм
2. Робот таны цагийн төлөвлөгөөг гаргахад тусална.
2014 онд үүсгэн байгуулагдсан x.ai нь таны уулзалтын цагийг төлөвлөх гайхалтай ухаалаг хувийн туслах болох аппликешнийг танилцуулжээ. “Эми” нэрээр тантай болон уулзахыг хүссэн бусад хүмүүстэй холбогдож уулзалтын цаг тогтоодог юм.
3.Компьютерээ хөдөлгөөнөөрөө удирдана
Энэ жилийн эхээр Apple компани шинэ патент авжээ. Тэр нь та гарынхаа хөдөлгөөнөөр компьютерээ удирдах боломж олгох бүтээл юм байна.
4.Сансрын зочид буудал
Оросын “Орбитал технологи” компани ирэх жилээс урьтаж жуулчдыг сансарт аялуулж эхлэх юм. Тэд сансрын зочид буудал байгуулсан ба буудал хүртэл Оросын Союз сансрын хөлгөөр 1 өдөр орчим явж хүрнэ. Зочид буудал нь дэлхийн гадаргуугаас дээш 350км өндөрт байх юм. 28163км/ц хурдаар дэлхийн тойрог замаар аялахдаа та амтат хоол, уух зүйлсээр үйлчлүүлнэ.
5.Өөрөө жолоодлоготой машин
Компаниудын олон жил танилцуулсан өөрөө жолоодлоготой машиныг энэ жилээс өдөр тутмын амьдралд хэрэглэж эхлэх нь бололтой. Google болон Ford-ийн хамтын бүтээл өөрөө жолоодлоготой машинаа тун удахгүй худалдаанд гаргахаар зэхэж байгаа аж.
No comments:
Post a Comment